Unge fra 11-25 Piginnaanillit "Isiginnaartitsineq Ammasoq"-mut tikilluaqqusapput

Sermersuumi Nipilersornermik Ilinniarfik aamma Nunatta Isiginnaartitsisarfia inuusuttunut 11-t 25-llu akornanni ukiulinnut aqagu arfininngornermi unnukkut nalunaaqutaq arfineq-marlunit qulingiluap tungaanut "Isiginnaartitsineq Ammasoq"-mik taallugu aaqqissuussiniarput.
Allattoq Simon Uldum -
septembarip 29-at 2017 16:15

- Isiginnaartitsivik ammasumi periarfissaavoq piginnaanillit isiginnaartitsivimmi piginnaasaminnik takutitsinissaat, soorlu makkuusinnaasut: erinarsoqatigiinneq, rockimik nipilersorneq, qilaatersorneq, qitinneq imaluunniit angakkuarneq, Nunatta Isiginnaartitsisarfiani pisortaq, Susanne Andreasen, taama oqaluttuarpoq.
 
Illoqarfimmi allagarsiisoqarneratigut inuusuttut peqataaniarlutik nalunaarnissaminnut periarfissinneqarsimapput, aamma takutitserusuttut takkutiinnarsinnaapput, isiginnartitsisarfiup pisortaa erseqqissaaavoq.
 
- Piginnaanilinnut unamminerungilaq unnulli periarfissatsialaavoq nuannisaqatigiilluni isiginnaartitsivimmi takutitsilaarnissamut, nipilersornermik ilinniarfiup pisortaa Kenneth Horsbrugh taama oqarpoq.  
 
Peqataasut akeqanngitsumik peqataassapput isiginnaarianullu iserneq akeqanngilaq. Aaqqissuussineq arfininngorpat unnukkut nalunaaqutaq arfineq-marlunut aallartissaaq.