Pia Kjærsgaard Folketingemi siulittaasunngorpoq
Taassuma taarserpaa Socialdemokraatineersoq Mogens Lykketoft. Pia Kjærsgaard arnani siullersaalluni Folketingemi siulittaasunngorpoq.
Folketingep siulittaasua Folktingemi katersuuffittut inissisimasussaagaluartoq, folketingemi ilaasortat tamarmiusut Pia Kjærsgaard siulittaasutut qininngilaat.
Siulittaasup nutaap taasissutigineqarnerani partiit talerperliit Socialdemokraatit aamma Siumut taaseqataapput.
Aamma atuaruk Pia Kjærsgaard Folketingimi siulittaasutut
Enhedlisten taasisitseqqittoqarnissaa piumasaraat, SF assigalugu oqaatigimmassuk Pia Kjærsgaardip siulittasutut qinerneqarnera tapersersunnginnamikku.
Taasisitsoqarmat 87-it Pia Kjærsgaard tapersorpaat 16-it akerlillutik arfineq pingasut taasseqataanatik.
Enhedslisten aamma Alternativet akerliullutik taasipput, SF aamma De Radikale taaseqataanngillat.
Pia Kjærsgard siuliuttaasutut qinigaanermi kingorna oqalugiaqqaarami neriorsuivoq Folketinget tamarmiusoq katersorniaraluassallugu.
- Folketingemut tamarmiusumut siulittaasuunissara ilungersuutigissavara, ilaasortanut tamanut sinniisuussaanga partii sorleq apeqqutaatinnagu, Pia Kjærsgaard oqarpoq
