Peter Freuchen ataqqiniarlugu peqatigiiffiliortoqartoq
Peqatigiiffik taanna tusagassiuutinut nalunaaruteqarpoq Peqatigiiffik Peter Freuchenimik ateqartoq.
Peter Freuchenip angutaa Lollandimiittumi Nakskovimeersuuvoq, Peter Freuchenili nammineq Falsterimi Nykøbingimi inunngorpoq. Inuunermili ilaani kingusinnerusukkut Issittoq pillugu atuakkiortussanngorami Nakskovip kangerluaniittumi qeqertami Eneøjemi najugaqalerpoq.
Knud Rasmussen peqatigialugu Peter Freuchen Kalaallit Nunaata avannaani 1900-kut aallartittut ilisimasassarsiortarpoq, ilisimatuutullu misissuisarfik Thule 1910-mi pilersitseqataaffigalugu. Thulemi ukiut arlallit guvernørinngortitaavoq, kalaallimullu arnarmut Navaranamut katilluni.
Inuunermini kingusinnerukkut angerlarsimaffimmini Enehøjimi aaqqissuisunngorpoq atuakkiortunngorlunilu.
Peqatigiiffittaami ilaasortat issittumi ilisimasassarsiornermut, kalaallit akornanni pissutsinut kingusinnerusukkullu issittumi ilisimasassarsiortartumut ataqqinnilluni katersugaasiviliornissaq siunertarineqarput.
Peter Freuchenip erngutaa Navarana Freuchen peqatigiiffimmi ataqqinaammik ilaasortanngortinneqarpoq.
