Savimmik kapisisumut suliaq: Pasineqartoq politiinit nassaarineqareerpoq
Nuummi savimmik kapisisimasutut pasineqartoq politiinit nassaarineqareerpoq. Pasineqartoq annertuuliorfiunngitsumik tigusarineqartoq, piareersimasut pisortaat, Søren Bendtsen, tusagassiuutinut nalunaaruteqarluni allappoq.
Allattoq Inge S. Rasmussen
Nutserisoq Ivik Kristiansen
Politiit suli paasiniaasut, taamaattumillu pasisap qassinik ukioqarneranik allanilluunniit paasissutissiisinnaanani piareersimasut pisortaata, Søren Bendtsenip, KNR-imut oqaatigaa.
Angut maanna tigusarineqareertoq eqqartuussivimmi suliassanngortinneqassanersoq suliallu ingerlaqqinnerani tigummigallarneqassanersoq politiit pingasunngornermi isummerfigissavaat.
Tamatuma saniatigut pasisap ujaarineqarnerani politiinut saaffiginnittut politiinit qujaffigineqarput.
Saaffiginnissutit pasineqartup tigusarineqarneranut pingaaruteqartupilussuusut politiit oqaatigaat.