Pasineqartoq eqqartuussivimmut ullumi sassartinneqassaaq

Tigummigallarneqarnera sivitsorneqassanersoq tassani aalajangiiffigineqassaaq.

Angut pineqartoq Polar Seafoodip kilisaataataani Polar Nanumi inuttaqatini alla peqatigalugu januaarip 18-iani politiinit tigusarineqarpoq. Taakkulu aqaguani sapaatit-akunnerini marlunni tigummigallagassanngortinneqarput.

AAMMA ATUARUK Birna Brjánsdóttirip angutaa: Kalaallit ikinngutigaagut

Angut ataaseq sapaatit-akunnerata siuliani iperagaavoq, Birna Brjansdottirilli toqutaaneranut atatillugu suli pasisaavoq.

Angut eqqartuussivimmut ullumi sassartinneqartussaq maannamut pisuussuteqannginnerarpoq. Unnerluunneqartullu illersuisuata suliamut tunngatillugu unnerluussutit pillugit oqaaseqaaseqarfigiumanngilai.

Eqqartuussineq, nunatsinni nalunaaqutaq malillugu aqqanermut pissaaq, Reykjavikkimi politiit KNR-imut taama ilisimatitsipput.

AAMMA ATUARUK Angut Islandimi iperagaasoq aallarsinnaatitaavoq