Partiit saliisoqarnissaa piumasaraat
Tusagassiuutinut nalunaarummi ataatsimiititaliaq taama allappoq, Nunatta Danskillu naalakkersuisuinut oqariartuutaavoq.
- Nunatta Danskillu Naalakkersuisuinut tamanna tusangiasaarineruvoq, ataatsimiititaliap siulittaasua, Justus Hansen KNR-imut oqarpoq.
Mingutsitsinermut akisussaasut, tassa USA-miut saliinissaat pissusissamisoortoq, Justus Hansen isumaqarpoq.
Aamma atuaruk Naalakkersuisut Camp Century pillugu erseqqissumik akissuteqartariaqarput
Aamma atuaruk Ilisimatooq: Camp Centurymi eqqakkat uninngatiinnarneqarlik
Aamma Camp Centuryp saniatigut Nunatsinni allanik sakkutooqarfiusimasunik peqartoq, ataatsimiititaliamit tikkuarneqarpoq.
Aamma atuaruk Aleqa Hammond: Danmarkip Camp Century akisussaaffigaa
Ataatsimiititaliap kaammattuutigaa sakkutooqarnermi atortulersuutit qimaannarneqarsimasut nalunaarsorlugit, mingutsitsinerullu annertussusia avatangiisinullu sunniutai misissorlugit, arlaannaannulluunniit attaveqanngitsumik nutaamik misissuisitsisoqartariaqartoq.
Silap pissusiata allanngoriartornerata Camp Centurymit mingutsitsisinnaanermut sunniutigisinnaasai pillugit paasissutissat nutaat tunngavigalugit tamanna pissaaq.
Aamma atuaruk Naalakkersuisoq ministerilu Camp Century pillugu paasiniaaniartut
Aamma atuaruk Camp Centurymi pissutsit danskit ministeriata misissortinniarai
Iliuusissanullu pilersaarusiortoqartariaqartoq, ataatsimiititaliap minnerunngitsumik piumasaraa, saliinissap pingaarnersiuilluni tulleriiaarneqarnissaa pilersaarusiorlugu.
Misissuinernik pisoqaanerusunik peqareerpoq, arlaannaannulluunniit attaveqanngitsumik misissuisitsinermi aallaavigineqarsinnaasunik, Inatsisartut Nunanut Allanut Sillimaniarnermullu Ataatsimiititaliaat tusagassiuutini nalunaarummi taama allappoq.
