Assi: KNR

Partiinut tapeq akuerineqartoq

Inatsisartuni partiit partiimut tapit 30 procentimik qaffannissaannut siunnersuuteqarnertik akuerigamikku karsiminni aningaasaateqarnerulissapput.

Inatsisinut ataatsimiititaliap isumaliutissiissutaa naapertorlugu inatsit nunatta karsianut ukiumut 3 millionit koruuningajannik akeqassaaq, taamaalilluni partiimut tapeq akinut malinnaasitaalissalluni.

Siunnersuusioqataasoq siulittaasoqarfik naapertorlugu siunnersuut naalakkersuisooqatigiinnit tassa Siumumit, Inuit Ataqatigiinnit Partii Naleqqamillu taperserneqarpoq.

Demokraatit attaviitsorlu Michael Rosing inatsit pingajussaaneerneqarmat itigartitsisuupput.

AAMMA ATUARUK Demokraatit partiinut tapiissuteqarnerunissaq akerlerigaat

3 millionit koruuninik aningaasartuuteqarnerulernerup saniatigut inatsisinut ataatsimiititaliap allallu partiinut tapiissutip qaffanneqarnissaata kingunissai taakkartorsimavaat.

2016-imi Inatsisartunut ilaasortat paragraf 37-imut 1.383-eriarlutik apeqquteqarput, tamanna ass. Folketingimi ilaasortat apeqquteqartarneranit tallimariaammik amerlaneruvoq.

Kisitsisit taakku partiit tapeqarnerulernermikkut atorfeqartitaqarnerulerneratigullu qaffannissaat atorfilittat naatsorsuutigaat, taamaammallu Naalakkersuisut naalakkersuisoqarfiani Inatsisartullu allattoqarfiani isumalluutit amerlanerulernissaat pisariaqangaatsialersinnaavoq.

AAMMA ATUARUK Demokraatit partiinut tapiissuteqarnerunissaq akerlerigaat

Inatsisartullu allaffinnik allanik atorneqarsinnaasuutitaqanngillat, partiillu amerlanerusunik atorfinitsitsinermut aningaasat atussappatigit taakku aamma pisariaqalersinnaapput.

Partiinut akissarsiassaqarnerulersitsinermi nunatsinni partiit nunanit allanit partiinit annerusumik taperneqarnerulerput.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!