Partii siulittaasoqanngikkallartoq siunertaqarpasinngilaq

Naalakkersuisut avissaartunnerisa kingorna Siumut sumi inisissimava qinersinissap qanillinerani. Partiip suut nalerariniarpai partiinik allanik suleqateqalissagaluaruni.
Kim Kielsen
Allattoq Jaaku Lyberth
oktobarip 03-at 2014 15:53

Qinersinerup nalunaarutigineqarata kingorna partii periusissaaruppasippoq.

Siumut sunik siunertaqarnerluni politikkikkullu katersuuffiusussamik qinersisartuminut oqaluttuassalluni piareersimarpasinngilaq.

 

Naalakkersuisunut siulittaasuugallartup Kim Kielsenip akileraartartut akiligaannik atornerluisimaneq illuatungiliuttut isornartorsiunerat isumaqatigaa.

- Siumup partiitut Naalakkersuisut siulittaasuata iliuuserisai akuersaanngilai, kukkusoqaraangat kinguneqartittarparput, Siumumi tamanna ileqqorivarput aamma taanna qularutissaanngilaq, kukkunersiunermut ataatsimiititaliap isumaliutissiissutaa saqqummiunneqareerpata tamanna ernumassutissaanngilaq.

Naalakkersuisut siulittaasorigallagaat Kim Kielsen partiimi siulittaasumut qinigassanngortippoq  parteeqataalu Doris Jakosen  siulittaasumut aamma qinigassanngortittoq  oqarput partiinik allanik suleqateqarniarlutik, suleqatigiissutigineqartussalli suunerinik eqqaasaqaratik.

-  Tusarnaarneq oqaloqatigiissinnaaneq taanna pimoorullugu avaqqunneqarsinnaanngitsutut sakkussatut  taanna isigisariaqassavarput, sakkoq taanna atorlugu nerrivimmi akileriillugu taava angusassat pitsaasut  anguneqarsinnaassapput.

Naalakkersuisut siulittaasorigallagaat Kim Kielsen taama oqarpoq.