Holland: Partii nunasisunik assuarinnittoq partiimut annermut tullinngorpoq
Partiillu siuttuata Geert Wildersip qinersinermi inernerit pakatsissutiginerai aperineqarami ima akivoq
- Ajugaasut akornanniippugut taamaattumik qinersinermit inernerit pakatsissutiginerinut uanga isumaqataanngilanga, Wilders oqarpoq.
Geert Wildersilli qinersinermit 30 procentinik angusaqarnissartik neriuutigisimagaluarpaa, qinersinermili 13,1 procentinik taaguunneqaannarpoq. Inatsisartuni inissat 150-iusuni 19-t pissarsiaraat.
AAMMA ATUARUK Hollandimi partiit aatsaat taama amerlatigisut qinigassanngortitsisut
Naalakkersuisut siuttuata, Mark Ruttesip partiia taaguunneqanerpaalluni 21,2 procentinik qinerneqarpoq
Pingjuattut kristendemokraatit 12,6 procentinik qinerneqarput.
Qinersinermi ajorsarnerpaat tassaapput naalakkersuisooqataasimasut socialdemokraatit. Taakkua inatsisartuni 38-nik issiatitaqarsimagaluartut maanna qulingiluaannarnik inissanik pissarsipput.