VIDEO Partii Inuit qinigassanngortitaalu

Partii Inuit januaarimi 2013-imi pilersinneqarpoq, Inatsisartunullu ukioq taanna marsip aqqaneq aappaanni qinersinermut qinigassanngortitsilluni.

Partiip siulittaasoraa pilersitsisoraalu Nikku Olsen. Taanna siusinnerusukkut Inuit Ataqatigiit siulersuisuuneranni ilaasortaasimavoq, partiilli ineriartornera isumaqatiginagu 2009-imi, nunatsinni namminersorneq eqqunneqarmat, ilaasortaajunnaarpoq, Partii Inuillu pilersillugu.

Partii Inuit pillugit nutaarsiassat kingulliit uani atuakkit

Marsip aqqaneq aappaanni 2013-imi qinersinermi partii 1.930-nit qinerneqarpoq, tassa qinersisut 6,4 procentiisa qinersimavaat, taamaalillutillu Inatsisartunut marlunnik isertitaqarlutik. Qinersinerup kingorna Siumut, Partii Inuit Atassullu Naalakkersuisooqatigiinnissamik marsip 26-ani isumaqatigiipput, Aleqa Hammond siulittaasoralugu Partii Inuit Ineqarnermut, Avatangiisinut Pinngortitamullu Naalakkersuisuutitaqarput.

Partii Inuit pillugit paasissutissat

Pilersinneqarfia: 2013
Siulittaasoq: Nikku Olsen, partiimik pilersitsisoq

2013-imi qinersineq: 6,4 procentinit qinerneqarpoq, Inatsisartunilu marlunnik ilaasortaatitaqalernermigut Siumut Atassullu peqatigalugit naalakkersuisuutitaqalerluni.

Partii Inuit Facebookimi qupperneranni paasisaqarnerusinnaavutit.

2013-imi qinersinerup kingorna Aleqa Hammondip naalakkersuinngortitsinerani Partii Inuit Miiti Lynge ineqarnermut, pinngortitamut avatangiisinullu naalakkersuisuutitaqalerput. Partiilli uranisiorfissamik pilersitsinissaq akerleralugu qaammatit arfineq-marluk qaangiunnerini naalakkersuisooqatigiinnit tunuarput. 

Oqaatsinut politikki

Partii Inuit pingaartitaasa ilagaat oqaatsitta nunatsinni atorneqarnerulernissaat.

- Pingaaruteqarpoq Nunatsinni kinaassutsitta naleqarnerusumik ataqqineqarluni politikkikkut aqutsinermi ersarissisimatittarnisaa, Partii Inuit aviisi quppersagaanni, Kunimmi, Randi Broberg allappoq.

- Partii Inuit inatsisartuni sulinerminni marloqiusamik ingerlatsinerujussuaq nukillaarsaatitut piffissarujussuarmillu ingerlatsinerusoq takuarput, tamannalu allanngortikkumaneqanngilaq, Randi Broberg allappoq.

Nunatsinnut neqinik eqqussuinermut piumasaqaateqarput

- Nioqqutissat nunatsinneersut tunisassiariniarnerini pitsaassutsimut meqqilersorneqarnissaat annertoorujussuarmik piumasaqaataaleraluttuinnarpoq.

- Neqilli aalisakkallu avataaneersut, tassa nunatta avataaneersut, eqqunneqartigatik pitsaassutsimut meqqilersorneqartariaqartut isumaqarpugut. Nunarput taama annertutigisumik piumaffigineqassappat uagut aamma assinganik piumasaqartariaqarpugut, nerisassagummi pineqarmata.

- Nerisassat avataaneersut pingaartumik soorlu Puulukit kukkukuuaqqallu neqaasa pitsaassusissamik naammattumik ilumut qularnaarneqarsimanersut pisisussap ilisimasariaqarpaa. Minnerunngitsumillu qanoq uumasuutigineqarsimanersut ilisimasariaqarlugu. Partii Inuit aviisi quppersagaanni, Kunik-mi, ilaatigut taama allaqqasoqarpoq.

 

Partii Inuit qinigassanngortitaat:

Pauline Mølgaard                  Qeqertarsuaq    
Georg Olsen                         Qeqertarsuaq
Randi Broberg                      Qeqertarsuaq
Nikku Olsen                           Ilulissat  (siulittaasoq)
Piitannguaq Alaufesen          Ilulissat
Pâviârak Jakobsen                Aasiaat
Godmand Rasmussen          Sisimiut
Joel Petersen                        Sisimiut
Terto Ngiviu                          Nuuk
Petrine Høegh                       Nuuk
Ane Petersen                        Narsaq
Adolf Kristiansen                   Tasiilaq

 

Partii Inuit Facebookimi quppernerat alakkaruk

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!