Atassut: Parteerput tununneqaannartarnera akuersaaginnarnianngilarput

Atassummi ilaasortat parteertik tunuinnarlugu allanut ilaasortanngortarnerat Atassutip akuersaaginnarnianngilaa. Partiimi ilaasortat nuimasut ukioq manna tunuartut pingasunngortullu, Atassutip siulittaasua Siverth K. Heilmann taama oqariartuuteqarpoq.

- Nalinginnaavallaaleqaaq Atassummut iseriarluni taava sivitsunngittoq nuulluni, Atassutip siulittaasua Siverth K. Heilmann oqarpoq.

Partiip ilaasortai nuimasut partiinut allanut nuussimalertut attaviitsunngorsimalertulluunniit amerlapput.  

Inatsisartunut maanna ilaasortaasut pingasut allat, tassaasut Knud Kristiansen, Nikolaj Jeremiassen Jens Immanuelsenilu Atassummut siornatigut ilaasortaapput Siumumilu maanna ilaasortaallutik.

AAMMA ATUARUK Mala Høy Kúko nunagisani pillugu Atassummit tunuartoq

AAMMA ATUARUK Knud Kristiansen Atassummit tunuartoq

Taavalu aamma Steen Lynge, Atassutip siulittaasuata tullerisimasaa, partiimit juunimi ilaasortaajunnaartoq, Finn Karlsen, partiip siulittaasorisimasaa aamma, Atassummiit Siumumut aamma nuunnikuuvoq.

Kristian Jeremiassen Atassummut siornatigut aamma ilaasortaasoq Inuit Ataqatigiinnut maanna ilaasortaavoq.

Atassutillu Inatsisartunut Kommuneqarfillu Sermersuumut ilaasortaatitatuaa Mala Høy Kúko partiimit sisamanngornermi tunuarpoq attaviitsunngorlunilu.

AAMMA ATUARUK Steen Lynge Atassummit tunuartoq

AAMMA ATUARUK Atassutip siulittaasortaava suliassaqangaatsiarpoq

- Partii Inatsisartuni ilaasortaatitaqarunnaarpoq; politikkikkut anguniagaqartarnersi eqqarsaatigalugu Inatsisartuniititaqarunnaarmat soqutaajunnaanngila?

- Soqutaavoq.

Siulittaasoq taama akivoq, parteertillu ajornartorsiunngitsoq oqaatigalugu:

- Suleqatigiittoqarsinnaavoq assortuuttaraluarluni, kisianni assortuutikulanngilagut.

Partiimiillu ilaasortaajunnaartarneq ajornartorsiutaasoq iliuuseqarfigineqartariaqartoq, siulittaasup nassuerutigaa:

 - Oqaluinnarsinnaanngilagut, taamaattumik aamma isumaqarpunga siulersuisuunerni, Atassut tunuliaqutaralugu qineqqusaartussat eqqarsaatiginerullugit, piumasaqarnerulertariaqartugut taamaammat isumaqarpunga atsioqatigiittarnissaq anguniassallugu pisariaqalersoq, Atassutip siulittaasua Siverth K. Heilmann oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!