Parisimi peqqarniissaarniartoqarsinnaaneranik kalerrisaarisoqarpoq
Parisip qeqqani Champs-Élyséesimi angut sakkulisartoq ataasinngornermi politiit biiliinik aporsimmat qaartartunik immikkut ilisimasallit aggersarneqarput.
Apornermi biili qaarsimasoq, politiit nalunaarput. Frankrigimi peqqarniisaarniartoqannginnissaanut unnerluussisoq suliaq pillugu paasiniaalersimasoq AP allappoq.
Biilip ingerlatitsisua sakkulisarsimammat piaaraluni iliuusaasimassasoq ilimagineqarpoq. Naalagaaffimmi pissutsinut ministeri Gérard Collomn naapertorlugu biilit ingerlatitsisuat toqusimavoq, oqaranili qanoq ililluni toqusimanersoq.
Sakkunik qaartartunillu biilimik qaartitsisinnaasunik biili useqarsimasoq ministeri oqarpoq.
Franskit politiivi aamma nalunaarput aquttua angut 31-nik ukiulik Parisip avataatungaaneersuusoq. Taanna arlaatigut ingasaassiniartuusimasoq AP ilanngullugu allappoq.
