Ritzau Nunanit allanit

Parisimi peqqarniisaarniat saassussinerannik aaqqissuisoq toqutaasoq

Parisimi sapaatip-akunnerata siuliani saassussisoqarneranik aaqqissuisuusimasutut pasineqartoq Abdelhamid Abaaoud, politiit Parisip ilaani Saint Denisimi pakasaallutik ippassaq misissuineranni toqutaasunut ilaavoq. Frankrigip naalagaaffiata unnerluussisussaatitaanerata tamanna nutaarsiassaqartitsivimmut AP-mut nalunaarutigaa.

Allattoq Ritzau

novembarip 19-at 2015 11:02

Nutserisoq Mads Lynge

Politiit inissiamut iserneranni toqutaasoq, politiit nalunaarutigaat:

- Abdelhamid Abaaoud toqutaasutut pisortatigoortumik nalunaarutigineqarpoq, inuaasa ipaasaat aallaavigalugu kinaassusersineqarsinnaasimagami, unnerluussisussaatitaanerup nalunaarutaani tamanna atuarneqarsinnaavoq.

Aamma atuaruk LIVE & ASSIT Attaveqaqatigiittarfinni #Paris pillugu nutaarsiassat kingulliit

Islamisiortut ingasaassiniat Parisimi tallimanngormat unnukkut saassussimmata inuit 129-t toqutaapput, isikkamik arsaattarfik Stade de France, imerniartarfiit neriniartarfiillu assigiinngitsut Parisip qiterpasissuaniittut saassunneqarmata, soorlu aamma tusarnaartitsisarfik Bataclan saassunneqartoq.

Frankrigimi politiit aallaqqaammut isumaqaraluarput Abdelhamid Abaaoud Islamisk Stat peqatigalugit suli Syriamiittoq. Politiilli misissuineranni Parisip ilaanut St.Denisimut taava pivoq, inissiarlu politiit pakasaallutik iserfigaat, akunnialunnguanilu sakkuaattoqarluni.

Læs også Parisimi politiit misissuineranni imminut pilliutigaluni qaartitsisoqartoq

Arnaq, islamisiortut allat arfiniliugunartut peqatigalugit inissiamiittoq imminut pilliutigaluni qaartippoq. Arnaq taanna toquvoq allallu aniguillutik.