Parisimi aallaasersortoqarmat ataaseq toqutaasoq
Præsidenti François Hollande aallaasersortoqareersorlu pinasuartumik ataatsimiigiaqqusivoq.
Frankrigimi præsidentinngorniunnissamut atatillugu qinigassanngortittut unnummut kingullermik oqallinnerisa nalaanni tamanna pivoq.
Franskit politiivisa aallaasersorluni saassussineq peqqarniisaarnerusutut nalilerpaat, aqqusinersuarmilu ilaatigut tusaamasami Paris-Boulevardimi aallaasersortoqarpoq. Tamannalu maanna misissoqqissaaneqartoq nalunaarutigineqarpoq.
Tusarfiit ilaannit oqaatigineqarpoq, sakkulisarluni tillinniartoqarsimasinnaasoq.
Pisorlu peqqarniisaarniarnerunersoq oqaatigissallugu siusippallaartoq, nunamut namminermut ministeriaqarfimmi oqaaseqartartup oqaatigaa.