Panamami pappilissanit atit saqqummiunneqartut
Nunat tamat misissuilluni tusagassiortut suliniaqatigiffiat ICIJ, Panamami pappilissanik taasat paasissutissataannut qarasaasianiittunut pissarsinissamut periarfissiisoqarpoq.
Aamma atuaruk Randi Panamami pisoq uranilu pillugit aperineqarpoq
Suliniaqatigiiffimmit nalunaarutigineqarpoq, soqutiginnittut kikkulluunniit aternik piginneqatigiiffinnillu 360.000-nik atuartoqarsinnaavoq, nutaarsiassaqartitsivik Reuters taama allaaserisaqarpoq.
- Paasissutissat qarasaasianiittut atorlugit suliffeqarfiit inuillu ilai ilaatigut piginneqatigiiffiit isertortut Mossack Fonseca akunniliuttullu allat ikiortigalugit atornerluisarsimasut paasiniarneqarsinnaapput ujartorneqarlutillu.
Mossack Fonseca Panamami eqqartuussissusserisup taagutaa, nunarsuarmi tamarmi pisoorsuarnik pigissaartunik taamatullu pinerluttuliortartunik ikiusimagunartoq - pisortanut akileraarutaasussanik isertuussisarsimasoq.
Aamma atuaruk Panama pillugu saqqummiussisoq isummersortoq
Danmarkimi paasissutissanik ujarlertoqarnerani adressenik 50-nik saqqqummertoqartarpoq.
Atit 43-it missaanniittut Danmarkimut attuumassuteqartut saqqummerput taamatullu akunniliuttut qulingiluat piginneqatigiiffiillu 20-it missaanniittut saqqummerput.
