Pan Am: Kalaallit unammisartui aallartilluarput

Kalaallit angutitaaat  assammik arsarlutik nunanut allanut unammisartui Panamerikami pissartanngorniunnermi Argentinami Buenos Airesimi arfininngornermi unammineq aallartimmat ajugaapput.

Kalaallit angutit assammik arsalutik unammisartut Canadamut unammigamik 31-24-nik ajugaapput.

Nunanut allanut unammisartut sungiusaassuata Niels Møllerip unammisartut tamakkerlugit atorluarpai taamaasillunilu unammisartut pingaarnerit unamminissanut tullernut sipaarlugit,  Grønlands Hånbold Forbund tusagassiuutinut nalunaaruteqarluni taama allappoq.

Aamma atuaruk 2016-ip-tungaanut-nunanut-allanut-unammisartussat-toqqarneqartut

-   Pissartanngorniunnerit aallartillugit ajugaaneq ajunngitsuuvoq unammisartullu tamakkerlugit aallartilluarlugit, nunanut allanut unammisartut sungiusaasuat  Niels Møller oqarpoq.

- Pissartanngorniunneq sivisusussaavoq unamminerillu pingaaruteqartut unammissutigineqartussaapput, taamaattumik ullumikkut nuannersumik misigisaqartitaanerput nuannaarutigaara arsartartullu ulluinnarni  rytmertik atulissavaat, Niels Møller oqarpoq.

- Assammik arsarluni kalaallit angutit nunanut allanut unammisartui  Mexicomut sapaammi unammissaput, Mexico Chilemut arfininngornermi  unammigami Mexico ajorsarpoq 21-nik isertitaqarluni Chile 30-nik isertitaqarluni ajugaasoq.
 Kalaallit Mexicomut unammissapput nunatsinni nalunaaqutaq malillugu sisamanut.

Unammineq qarasaasiakkut malinnaaffigineqarsinnaavoq, nittartagaq malinnaaffigineqarsinnaasoq KNR naggat Gl-imi takuneqarsinnaavoq. 

Aamma atuaruk: http://www.panamericanohandball2016.com/#!live-streaming/x2m1q

www.panamericanohandball2016.com

Kalaallit unammisartui  aqqanillit Canadamut unammigamik iseritaat  ima agguataarneqarput

Minik Dahl Høegh (6)

Akutaaneq Kreutzmann (5)

Milan Olsen (4)

Aqqalu Ingemann (4)

Lars Møller (3)

Inujuk Ostermann (3)

Miki Heilmann (2)

Mussa Ostermann (1)

Lars O. Lyberth (1)

Nuka Heilmann (1)

Karl F. Frederiksen (1)