Palle Jerimiassenip Ane Hansen isornartorsioraa

Ane Hansenip ukiortaamit Kommune Qeqertalimmi borgmesterinngortussap maanna Qaasuitsup Kommuniusumi sulisut Aasianni suliffissaannik neqeroorfigineqartussaagaluartut Avannaata Kommunianit neqeroorfigineqarsimanerat isornartorsiorpaa.

Avannaata Kommuniani borgmesterinngortussap tusagassiorfinnut nalunaaruteqarluni erseqqissaatigaa tamanut suliffissamik neqerooruteqarsimanatik, Ilulissanili kommunip allaffiani pisariaqartitatik kisiisa neqerooruteqarfigisimallugit.

Siumumeersup Palle Jeremiassenip aamma Inuit Ataqatigiinneersoq Ane Hansen isornartorsiorpaa, oqarluni Kommune Qeqertallip borgmesterissaata ajortisaarinnittumik pasinarsaarillunilu nipeqarluni uparuartuinera, kommunip avinneqarnissaanik suliap upernaarli aallartinneranit oqaaserisartagaanut ilisarnaataaginnartoq.