Palasit atornerluisarsimasut pavep ajuusaarutigeqai
Kinguaassiuutimikkut atornerlunneqartarsimasut taakku pavep Londonimi Vatikanip aallartitaqarfiani naapikkamigit, "naalliuuteqangaarsimanerat" "ajuusaarutigingaarlugu" oqaatigaa.
- Oqaluttuaannit Pave attortittorujussuuvoq aamma atornerlunneqarsimasut ilaqutaasalu aqqusaarsimasaat pillugit aliasungaarluni, Vatikanimit taama nalunaarput.
Ilagiit katuullit qullersaata taassuma 83-inik ukiullip, palasit meeqqanik atornerluisarsimasut atornerluttarsimasaat neriorsorpai, katuullit "inuusuttunik illersuiniarlutik suliniarnitik ingerlateqqinniaraat".
- Pasinarsinnaasut misissuiffiginissaat, oqartussanik suleqateqarnissaq, aamma palasit upperisarsiortullu ajortulianut amiilaarnartunut unnerluutigineqartut, eqqartuussivinnut suliassanngortinneqarnissaat, Ilagiit katuullit sapinngisartik naapertorlugu isumagissavaat, nalunaarumminni taama allapput.
Ukiut 500-nngulillartullu katuullit qullersaannik Tuluit Nunaannut pisortatigoortumik tikeraartoqaqqippoq.