Paasititsiniaaneq: Sapaatit-akunnerat pujortarfiunngitsoq
Pujortartartut amerlanerit kissaatigissagaluarpaat pujortalinngisaannarsimas¬saga¬lu-arlutik. Meerartavut inuusuttortavullu pujortalinnginnissaannut ikiortigit!
Sapaatit-akunnerat pujortarfiunngitsup pingajussaanik ingerlanneqarnissaanut atatillugu inersimasunut kajumissaarut taamatut nipeqarpoq.
Allattoq Sandra Meinecke
maajip 26-at 2015 06:15
Nutserisoq Simon Uldum -
- Inuusuttut pujortartut ikiliartorput, suliniutigerusupparalu ikiliartornerat ingerlaannassasoq, 14-nik ukiullit 75 procentii pujortartuunngillat. Tapersersorlugillu qiimmassassavavut pujortartalinngisaannarniassammata.
Peqqissutsimut Naalakkersuisoq Martha Lund Olsen sapaatit-akunneranut pujortarfiunngitsumut atatillugu taama oqarpoq.
Taassuma erseqqissaatigaa inersimasuusugut ataatsimoorluta qulakkiissagipput meeqqat inuusuttullu pujortartarneq ulluinnarni nalinginnaasutut isigissanngikkaat pingaaruteqartoq, ilaatigut meeqqat inuusuttullu 18-it inorlugit ukiulinnut tupat tigoriaannaannginnissaat isumagineratigut.
Sapaatit-akunneranut 22-mut atatillugu pujortartarnerup pinaveersaartinniarnera qulequtaralugu najukkami aaqqissuussisoqassaaq.
