Oqarasuaatit angallattakkat attavilupput
Attaviit ajoquteqalernerat sapaammi unnukkut aallartittoq, tusagassiutinut nalunaaruteqarluni TELE-POST taama paasissutissiivoq.
Attaviit ajoquteqarneranni eqqugaasut tassaapput oqarasuaatit angallattakkat tusassit, aammalu 2G-nit, 3G-nit, 4G-nillu attaveqartut. Atuisullu ilaannai attavinnik ajoquteqarnermit eqqugaasut, TELE-POST allappoq.
Sooq attaviit taamaannerat suli ilisimaneqanngilaq, TELE-POST-ili naapertorlugu oqarasuaatinik angallattanik tuniniaaviup ajoqutaasoq paasiniarsaraa.
Taamaannerata pisisartunut ajoqutaanera, TELE-POST-imi teknikeqarnermut IT-mullu immikkoortortami pisortap Jonas Hasselriisip ajuusaarutigaa.
- AWG2016-ip ingerlanneqarnerani taamaannera ajuusaarnartorujussuuvoq. Teknikkimillu suliaqartutta attaveqaatinut tuniniaavik qanimut suleqatigalugu oqarasuaatinut angallattakkat attavilunnerat aaqqiiviginiarsaraat, immikkoortortami pisortaq Jonas Hasselriis oqarpoq.