Takornariaqarneq Oqaluttuat nuannersut ineriartortitsinermi atorluarneqassasut
Nunatsinni takornariartitsineq suli nutaajuvoq taamaattumillu takornariartitsinermi periarfissaasut ilisimasaqarfiginerunissaat pisariaqarluni. Takornariartitsineq pillugu lektori, Carina Ren, Aalborgip Universitetitaneersoq naapertorlugu, nunatsinni sumiiffinni arlalinni misilittagarpassuaqareerpoq.
Taamaammat takornariarfissatut suli aallartisaaffiusuni oqaluttuat nuannersut ilinniarfigineqartariaqarput.
- Ilulissat takornariarfiuvoq misilittagaqarfigilluarneqareersoq. Takornariartitsisartut, pisortat pisortanilu oqartussat tassaaneereerput, ilisimatooq oqarpoq.
<!--
AAMMA ATUARUK Tunumi takornariaqarneq suliffissanik pingaartunik pilersitsisinnaasoq
-->Sulisitsisut peqatigiiffiata GE-p takornariartitsineq pillugu ataatsimiititaliaaneersoq Karsten Klausen aamma isumaqarpoq takornariartitsinerup aningaasarsiutaasinnaanerata paasilertorneqarnera ineriartortitsinermut iluaqutaasinnaasoq.
- Isumaqarpunga imaattariaqartoq, innuttaasut takornariartitsinerup arlaatigut pissarsiaqarfiginera malugisinnaasariaqaraat. Tamannami Ilulissani pisimavoq, aningaasarsiorfigineqarsinnaanera takuneqarsinnaalluni, GE-meersoq taama oqarpoq.
<!--
AAMMA ATUARUK Illorsuassaq takornariartitsinerup ineriartortinneqarneranut pingaaruteqarluinnartoq
-->Takornariartitsinerli tassaaginnartariaqanngilaq aningaasarsiornissaq billetsinillu tunisaqarnissaq, Carina Ren taama isumaqarpoq.
- Illoqarfinnik, inuussutissarsiutinik kulturimillu qanoq ineriartortitsisinnaanermut aamma tunngassuteqartupilussuusinnaavoq. Takornariartitsinermik siuarsaaneruinnarani aammali inuiaqatigiinnut tamanut iluaqutissanngortillugu. Takornariartitsinerup inuiaqatigiinnut iluaqutinngortinnissaa pillugu misilittagarineqartut atorluarneqartariaqarput, ilisimatooq taama oqarpoq.
