Oqaatsitigut kukkuneq Naalakkersuisut isumaqatigiinnerannut annaassisoq
Paasitinneqarsinnaatitaaneq pillugu inatsit upernaaq manna ataatsimiinnerni oqaluuserineqartussaajunnaarnera, Inuit Ataqatigiinni nuannaarutigineqarpoq.
Inatsit taanna danskit pisortat ingerlatsinerat pillugu paasitinneqarsinnaatitaanermut inatsisaat danskit maani akisussaaffigisaanut aamma atuuttussaavoq. Tassa politiini, eqqartuussiveqarfinni allanilu nunatsinnit akisussaaffigineqalinngitsuni atuuttussanngussalluni.
IA suli tapersiinngilaq
Siunnersuut naalakkersuisoqatigiinni avissaartuutsitsivoq. Siunnersuut ukioq ataatsimiinnermi qaqinneqarmat Inuit Ataqatigiit tapersiinngilaq, sulilu tapersiiniarnatik.
- Naalakkersuisooqataalinnginnitsinni akerleralugit taasiffigisarsimasagut naalakkersuisooqataaleratta akerlerisarumaarlugit naalakkersuisooqatigeeqatigut ilisimatinnikuuagut, Inuit Ataqatigiinni oqaaseqartartoq, Bendt B. Kristiansen oqarpoq.
AAMMA ATUARUK Paasitinneqarsinnaatitaaneq pillugu inatsisissatut siunnersuut Kielsenip tunuarteqqikkaa
AAMMA ATUARUK Kielsenip inatsisissatut siunnersuut tunuartikkaa
Siunnersuut ullormi tassani oqaaserneqartussanngorlunilu kalaallisuunngortinneqarnerata oqaatsitigut aaqqiagiinngissutaanera peqqutigalugu tunuartinneqarpoq.
Nutserneqarnera oqallisissarlu ukiaq ataatsimiittoqarneranilli piareerneqarsimagaluartoq oqaatsitigut kukkuneri aatsaat paasineqarput.
Imarisaani allanngortoqanngilaq
Siunnersuut allanngortinneqanngilaq, ataatsimiinnermili maannakkut atulersinneqalinnginnera Inuit Ataqatigiinniit nuannaarutigineqarpoq.
- Isumarput allanngorsimanngilat taamaattumik aamma allatut taasinissamik isummersimanngilagut naalakkersuisooqataalernerput tunngavigalugu.
AAMMA ATUARUK Inatsisissaq Naalakkersuisut isumaqatigiinngissutigigaat
Inuit Ataqatigiit politikkikkut oqaaseqartartuat, Bendt B. Kristiansen taama oqarpoq.
Inatsiseqarnermut ministereqarfiup nalunaaruteqarneq tusaatissatut tiguaa naalagaaffiullu sinniisua Inatsisartunut inatsisissatut siunnersuutip nutserneqaqqinnissaanik qinnuiginiarlugu.