Oqallinneq kingulleq pinngitsiartoq akeqqersimaartut
USA-mi præsidentinngorniuttut Donald Trump Hillary Clintonilu kingullermik oqallitsinneqaramik assamminngillat.
Allattoq Karsten Sommer
Præsidentinngorniuttullu pingajussaanik unnugu oqallitsinneqarnissaannut atatillugu aamma inussiarnisaartoqarpallaanngilaq.
Qinigassanngortittummi ilaqutaat illuatungerisaminnik aamma assamminnianngillat, naak tamanna ileqquugaluartoq.
Hillary Clintonip uiata Bill Clintonip, Donald Trumpip nulia Melania Trump ilaatigullu ilaqutai, præsidentinngorniuttut oqallittussaaneranni assammittarsimavai, maannali tassa ilassinninniarnani.
Oqallittussat unnummut oqalliffissaat ima iluarsineqarsimavoq qinigassanngortittut aapparisaat imminnut ungasillutik.
USA-mi præsidentimut novembarip ulluisa arfineq-pingajuanni qinersisoqarnissaanut atatillugu kingullerpaamik unnugu oqallitsinneqassapput.