Politikki Inuussutissarsiutit

Olsvigip Lidegaardip Naalakkersuisullu Pituffik pillugu akissuteqarnissaat ujartorpaa

Inatsisartut Nunanut allanut Sillimaniarnermullu ataatsimitiititaliaat sinnerlugu Sara Olsvig (IA) aamma Steen Lynge (A) Putiffimmi sakkutooqarfimmi kiffartuussinissamik isumaqatigiissutip annaaneqarnera pillugu Folketingimi apeqquteqaat aallaavigalugu ippassaq oqallittoqarnerani najuupput.

Johan Lund Olsen og Sara Olsvig under pressemødet efter debatten i Folketinget.

Allattoq Camilla Dam

januaarip 22-at 2015 06:40

Inuit Ataqatigiilli siulittaasuata danskit nunanut allanut ministeria Martin Lidegaardip akissutigisai naammaginartinngilai.

- Danmarkimi nunatsinnilu naalakkersuisut suliami matumani qanoq akuutigisimanersoq aammalu politikkikkut qanoq qaffasitsigisumi isumagineqarsimanersoq qitiulluinnarpoq. Tamanna paaseqqaartariaqarparput.

Aamma atuaruk Venstre Konservativellu IA Pituffik pillugu suliami tapersersorpaat

- Amerikamiut ilumut isumaqatigiissutinik atuuttunik eqquutsitsisimanersut Naalakkersuisut danskillu naalakkersuisuisa isumaqatigiissuterpasinngilaat. Isumaqatigiissutit amerikamiunit eqquutsinneqarsimanersut nunanut allanut ministerimit akissuteqarfigineqarnissaa neriuutigigaluarpara. Suliami matuma akissutissanik suli amigaateqarpugut, Sara Olsvig tusagassiorfinnut nalunaarummi taama allappoq.

Aamma atuaruk Pituffimmi kiffartuussinermut isumaqatigiissuteqarnissaq Folketingetimi amerlasuunit taperserneqarpoq

Naalakkersuisut siulittaasuata Kim Kielsen Statsministeriaqarfimmi sapaatit-akunnerata siuliani tusagassiortunik katersortitsinermi oqaatigaa, danskit naalakkersuisui peqatigalugit amerikami naalakkersuisut taarsiissuteqarnissaannik piumasaqaateqarniarlutik. Maalaarutilli suliarineqarnera februaarimi aalajangiiffigineqareerpat aatsaat taamatut piumasaqaateqartoqartussaassaaq.

Sara Olsvigip Inuit Ataqatigiillu arlaatigut atuinermut akiliuteqartoqarnissaanik piumasaqaat taperserpaat, partiilli siulittaasuata suliap qanoq ingerlanneqarsimanera paaseqqaarusuppaa.