Assi: Qaasuisup Kommunia

Ole Dorph: Ilulissat kisiat salliutinnikuunngilarput

Qaasuitsup Kommuniani innuttaasut Ilulissat avataani najugaqartut arlaleriarlutik kommuni Ilulissanik kisimi salliutitsinerartarpaat. Kommunimi illoqarfiit allat equngasortaqartut, ilaatigut oqaatigineqarpoq. Isornartorsiunerli borgmesterip akerlilerpaa.

Ilulissat imminut pingaartittutut salliuttarnerarlugu isornartorsiorneqartarpoq. 

- Ilulissaninngaanniit aqunneqarnerput kipiluttunartorujussuanngorsimavoq, taamaammat avinneqarnissappat Qaanaaq Upernavik Uummannarlu toqqassagaluarpakka, Arnaq Jørgensen, Upernavimmi innuttaasoq oqarpoq. 

Upernavimmioqataatalu ilalerpaa:

- Uagut avannaani inooqataasugut tutsuiginartumik qinikkaniik pineqarnissarput kissaatigigaluarparput. Tamat oqartussaaqataanerasa iluanni  taamatut pineqanngikkaangatta qulaaninngaanniillu sukumiisumik tusaaniarfigineqarsimanngikkaangatta taaseqataagaluaraangattaluunniit ataqqinassuserput pigitinneqarani uagutsinnut akisuallaartarpoq. Taamaammat innuttaasut kissaatigisarput Uummannaq, Upernavik Qaanaarlu kommuninngornissarput sulissutigivarput, Aqqaluk Heilmann, Upernavimmi innuttaasoq oqarpoq.

Aamma atuaruk VIDEO Tamat oqartussaanerat akeqarpoq Qaasuitsulli Kommunia akiliisimanngilaq

Ilulissalli imminut pingaartittutut salliutittarneragaanera Borgmesterip Ole Dorphip akerlilerpaa.

- Qaasuitsup Kommuniani aningaasanik atuineq takugutsigu aningaasat amerlanerpaartaat minnerusunut atorneqartarput.

- Kommunerujussuaq pilersinneqarmalli Qeqertarsuup tunuaniit avannamut inuuniarnermut atugassarititaasut assigiinnginnikuupput. Kingorna nalimmassaanikuuvugut, taamalillutalu Ilulissat avataani ikiorsiissutit qaffanikuullutigit. Taamaammat tamanna ilumuunngilaq, Ole Dorph oqarpoq. 

Qulaarpaamit ilanngutassiaq takuuk. Erseqqissaassutigissavarput video qallunaatoormat. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!