OL pillugu kukkuneq KNR-ip ajuusaarutigaa

London-mi OL-qarnerani angutit 200 meterimut arpannermi finalernissaat sioqqutilaarlugu aallakaatitsineq KNR TVip qamippaa. - Taama kukkuneq pisussaanngikkaluarpoq, KNR Piorsaavimmi pisortaq Niels Pavia Lynge oqarpoq.

Ulluni makkunanin tv-mi timersortunik aallakaatitsinerit imaaginnavipput. Londonimi OL-ertut takussaaqaat aammali angutit arsaallutik pissartanngorniunnerat aallakaatitsiffigineqartarluni.

Sisamanngornermilu ualikkut aallakaatitat nikinneranni ajuusaarnartumik kukkusoqarpoq. Tassami Jamaicamiu arpattartoq tusaamasaq Usain Bolt aamma unammisut allat 200 meterimut finalerput. Nalunaaqutaq arfininngorpoq taamaasineranilu kukkuneq pisussaanngikkaluartoq pivoq. Ilulissat arsaaffiannut aallakaatitsineq nuunneqarpoq tassani FC Malamuk aamma Eqaluk 54 aalajangiisumik unammisut aallakaatinneqarlutik.

- Ajoraluartumik OL-mi aallakaatitsineq kipitinneqarpoq angutit 200 meterimut finalernissaat sioqqutilaarlugu. Taamatut pisoqartussaanngikkaluarpoq, tamannalu assorujussuaq ajuusaarutigaarput, KNR Piorsaavimmi pisortaq Niels Pavia Lynge oqarpoq.

KNR TV ukiormanna Londonimi OL-qarneranit nalunaaquttap akunneri 100-ut aallakaatitsivoq aallakaatitallu amerlanerit DR1-mit TV-2-millu aaneqarput. Aammattaaq DR2p aallakaatitai KNR2-mi isiginnaarneqarsinnaapput.

Nittartagaq atorlugu nutaarsiassaleriffik Sermitsiaq.ag ullumi allaaserinnippoq kukkusumik aallakaatitap kipinera pillugu TV-mi isiginnaartartut naammagittaalliortut pillugit. Oqaluttuarli saqqummiunneqarpoq KNR oqaaseqartinnagu pimoorutivinngikkaluarlugu KNR oqaaseqartinniareerlugu.

- Tusagassiortumit pineqartumit KNR email-erfigineqarpoq nalunaaqutaq 11.33 oqaluttuarlu saqqummiunneqarpoq nalunaaqutaq 12.06. Tusagassiortoq taanna attaviginiaraluarparput iluatsinnaguli, Niels Pavia Lynge naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!