Oddsertartut Brugsenimi akornutaajunnaalersut
Brugsenimi niuerniartillutit live oddsertartut akornutaasarneri misigisarpiuk? Tamanna massakkut allanngulerpoq.
Maajip 22-anit live odds-it Kalaallit Nunaanni Brugsenip pisiniarfiini unitsinneqassapput. Kalaallit Nunaanni Brugseni taama nalunaaruteqarpoq.
- Sinerissami Brugsenip pisiniarfiini live odds-it atorunnaarsinneqassapput, Brugseeeraq ilanngullugu. Live odds Danske Spil-imeersut nuannarineqartorujussuupput, kisianni aamma sulisunut pisinianullu akornutaallutik. Pisiniartartut arlallit kaammattuutaat malinniarlugit taamatut aalajangerpugut – pisiniat aalajaatsut sulisugullu illersorumallugit, Brugseni tusagassiuutinut allappoq.
Live odds tassaavoq unamminerup ingerlanerani aningaasanoorluni unamminerup inerneranik assigisaannillu eqqoriaasarneq.
Spil-it allat, soorlu Lotto aamma ”Den lange” Brugsenimi pisiarineqarsinnaaginnassapput.