INI nutaamik nittartagartaarpoq
Inip nittartagaata atuisunit atoruminarnerulersinneqarnissaa siunertaavoq, ujartuiffigiuminarsarneqarsimallunilu. Inissiaatileqatigiiffiup pisortaanera Henrik Rafn taama oqarpoq.
INI najugaqarfiillu pillugit paasissutissat tusagassiuutitigut nalunaarutit, paasissutissat nalinginnaasut, nammineerlunilu imminut sullissinnaanerit, assersuutigalugu inissianik inoqanngitsunik ujarliutit INI-p nittartagaani nassaassaapput, paasissutissallu allat aamma aaneqarsinnaassapput:
- Tamaanga killiinnarnnianngilaagut. Attartortummi nittartagaq aqqutigalugu imminnut sullissinnaanissaat anguniarlugu nittartagarput suli ataavartumik ineriartortittussaagatsigu, A/S Inissiaatileqatigiiffiup INI-p pisortaanera Henrik Rafn oqarpoq.