ASSIT Nuup ilaani Nuussuarmi imermik pilersuineq akornuserneqartoq
Sinerissami sumiiffinni arlalinni anorlersorsuuvoq. Nuummi containeri uppissimavoq erngullu aqqutaa Nuup ilaanik Nuussuarmik pilersuisoq nanerlugu.
Allattoq Simon Uldum -
Nuup ilaani Pukuffimmi containeri uppissimavoq Nukissiorfiillu erngup aqqutaa nanerlugu.
Erngup aqqutaa annertuumik ajoquserneqarpoq imermilu pilersuineq nalunaaquttap akunnerini arfineq-pingasuni uninngasinnaasoq, Nukissiorfiit Facebookimi quppernermini allappoq.
Nukissiorfiit illoqarfimmi entreprenørit suleqatigalugit Nuussuup imermik pilersorneqarnera iluarsiniarlugu maanna sulissuteqarput.