Nuup Bussii AWG2016-imut piareersartut

Nuup Bussii timersortartorpassuit piareersimaffigiumallugit bussinik nutaanik marlunnik taamaasilluni pisisimavoq, timersortartorpassuit sumiiffinnut assigiinngitsunut sukkanerusumik ornigussinnaanissaat siunertaalluni. Nuup Bussiisa Nuummi nalinginnaasumik angallassisarnerisa saniatigut timersortartorpassuit angallanneqartassapput.

Nuup Bussii Arctic Winter Gamesimut aningaasaleeqataasunut ilaavoq, bussillu arfinillit Arctic Winter Gamesertoqarnerani peqataasunut atorneqassapput, bussillu allat nalinginnaasumik angallassinermut atorneqarumaarlutik. Nuummi aviisi sapaatip-akunneranut saqqummersartoq Nuuk Ugeavis taama ilaatigut allaaserisaqarpoq.

Arctic Winter Gamesertoqarnerani bussinik ingerlatsisussanik immikkut tallimanik sulisoqarumaarpoq.

Aamma atuaruk Kalaallit AWG-mi peqataasussat atisartaartinneqartut

Bussit unammiuaarnerit nalaanni namminerisamik ingerlaarfeqassassut nalunaarutigineqarpoq, assersuutigalugu peqataasut peqataasutut ilisarnaatitik takutillugit unammiuaartoqarnera tamakkerlugu timersortarfinnut, ineqarfinnut nerisarfimmullu angallanneqarsinnaassallutik.

Arctic Winer Games 2016 naammassippat bussit nalinginnaasumik angallassinermut atorneqarsinnaalissapput:

- Ukiup ingerlanerani ingerlatsinermi nalinginnaasumi bussinik amerliliinissarput naatsorsuutigaarput, ullup qanoq ilinerani pisariaqartitsinerup annerpaajusarnera nalilersortarparput piffissallu angallaffiunerpaat nalaanni immikkut bussiliissagunarluta, Nuup Bussiini pisortaq Michael Driefer, Nuuk Ugeavisimut oqarpoq.

Aamma atuaruk AWG2016-imi kajumissutsiminnik suleqataarusuttut imaaginnavittut