Ejvind Elsner Arctic MusicAssi: Jonas Fievé/KNR

Nuummiut timersortarfissuassaq ulikkaarsinnaavaat?

Issittumi arsaattarfissuassaq Nuummiilissagaluarpat imaanngilaq nunarsuaq tamakkerlugu tusaamasat amerlanerusut nunatsinnut tusarnaartitsiartortalissasut. Ejvind Elsner Atlantic Musicimeeroq, tusarnaartitsinernik nunatsinni ukiuni 30-ni aaqqissuussisartoq taama oqarpoq.

- Iluatsinngitsoorluni akisunaarneqaannarsinnaavoq, Atlantic musicimi pisortaq KNR-imut taama oqarpoq.

Nunarsuaq tamakkerlugumi tusaamasat nunatsinnukartaleraluarpataluunniit tusarnaariarnissamut billetinik naammattunik tunisaqanngitsoortarnissaq Ejvind Elsnerip aarleqqutigaa.

Taamaalilluni Claus Nissen Nanoq FM-imeersoq isumaqatiginngilaa, Nissenimmi tusarnaartitsisarfimmik 10.000-nik tusarnaartoqarsinnaasumik peqalernissaa nuannaarutigaa.

- Soorunami nuannaartoqarsinnaavoq, Nuummili inuit 10.000-t tusarnaariarsinnaanissaat takorlooruminaatseqaara.

Atlantic Music Katuami Akisuanerit festivalertitsinermik 2008-mili aaqqissuusseqataasalerpoq.
Ejvind Elsnerilu tusarnaartitsinernik ukiuni 30-ni aaqqissuussisarsimagami tusarnaartitsinernut billetit amerlanerpaamik 1.500-it tunineqarsinnaasartut misilittagaqarfigaa.

Taamaattumillu tusaamasarsuarnilluunniit tikisitsisoqaraluarpat tusarnaarianik 10.000-nik tusarnaariartoqarsinnaanissaa piviusorsiorsorinngilaa.

- Arsaattarfissuartaaraluarutta imaanngilaq sapigaaruttugut, piviusormi allarluinnaavoq, Ejvind Elsner oqarpoq.

AAMMA ATUARUK Issittumi arsaattarfissuassaq tusaamasamit titartarneqassasoq

Nuummi 17.000-nik innuttaasoqartumi issittumi arsaattarfissuartaaraluarpat, tusarnaariartarfittut ulikkaarneqarsinnaanngilaq, aamma avataaniit tikittoqaraluarpalluunniit.

Nunani allani angalallutik tusarnaariartarput,  soorlu Tyskit Københavniliarlutik Metallicakkut tusarnaariarsinnaavaat. Nunatsinnili pissutsit allarluinnaapput.

- Nunani allani angalanermut aningaasartuutit amerlagisassaaneq ajorput, inuillu tusarnaariareerunik angerlamut unnuk taanna apuussinnaapput. Nunatsinni pilersaarusiorluartariaqarpoq, unnuiffissat, timmisartumut billetit soorunami aamma tusarnaariarnissamut billetit eqqarsaatigineqartariaqarput. Ejvind Elsner oqarpoq.

Qanorooq unnugu aallakaatinneqarpat takusaqarnerusinnaavutit.

AAMMA ATUARUK Illoqarfiit pingaarnersaannut pilersaarusiaq ineriartortitsissaaq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!