Assammik arsarneq Nuummiut pissartanngoqqittut
Pissartanngorniutivinnerit pissangarnarnissaat ilimagineqarsinnaagaluartoq annerusumik pissanganarsinngillat.
GSS angutitaasa pissaanertik Norsaq HC-mut takutippaat 30-14-imik ajugaagamik. Unamminermi GSS-ikkut aallartilluaqaat, Norsaq HC-kkullu sivisuaamik isertitsinaveeqqallutik. Aasiammiut periarfissaqatuaraangamik GSS-imi måliniittup, Isaaq Olsenip, itigartittarpai, taamaasillutillu Norsaq HC-kkut aallartinnaveerlutik. Muminnginnermi takuneqarsinnaareerpoq GSS pissartanngoqqissasoq.
Arnani GSS-ikkut NÛK-lu unammimmata GSS-ikkut piareersarluarsimanerat malunnarpoq. Unamminermili tassani GSS-imi måliniittoq, Aviaaja Heilmann, aaliangiisuungaatsiarpoq. Taasuma annaassineri qulit sinnerpai, GSS-ilu målinik tallimanik ajugaalluni 20-15-eramik.
Taamaasillutik GSS-ikkut angutitai arnataalu takuteqqippaat suli pissartaallutik.
AAMMA ATUARUK Pissartanngorniutivittussat takukkit
Ukioq manna arsarluarnerit holdianut ilannguttut ukuupput:
Arnani:
Målmand: Aviaaja Heilmann GSS. Stregimiittoq: Nivi Berthelsen GSS. Playmaker: Najaaja Lyberth GSS. Back saamerleq: Lykke Frank Hansen GSS. Backi talerperleq: Christina Lange Nûk. Fløji saamerleq: Sascha Kilimi Nûk. Fløji talerparleq: Anja Heilmann SAK.
Angutini:
Målmand: Isak Olsen GSS. Stregimiittoq: Eqalunnguaq Kristiansen GSS. Playmaker: Muusaarannguaq Ostermann-Søholm Norsaq HC. Back saamerleq: Gustav Ostermann Egede Nûk. Backi talerperleq: Danny Brandt GSS. Fløji saamerleq: Lars Ole Lyberth GSS. Fløji talerparleq: Inuujuk Ostermann-Søholm Norsaq HC.
Isertitaqarnerpaat ukuupput:
Arnani:
Gerdaaraq Ingemann N-48 54-inik isertitaqarluni. Lykke Frank Hansen GSS 35-inik isertitaqarluni. Linda Madsen SAK 31-inik isertitaqarluni.
Angutini:
Inuujuk Ostermann Søholm Norsaq HC 56-inik isertitaqarluni. Nuka Peter Ottosen N-85 46-nik isertitaqarluni. Kiisalu NÛK-miit Miki Johnsen 45-nik isertitaqarluni.
