Nuummi unnuisarfiit nutaat
Nuummi Kujallerpaani unnuisarfissat nutaat sisamanngornermi atoqqaarfissiorneqarput.
Nuummi angerlarsimaffeqanngitsut taamaalillutik ininik nutaarluinnarnik unnuiffissaqalerput. Tamatuma saniatigut Kongevejimi unnuisarfik atorneqaannartassaaq.
Angerlarsimaffeqanngitsut unnuiffissarsiortut tamarmik maanna unnuiffissaqartinneqarput. Angerlarsimaffeqanngitsut 36-t tassani unnuisinneqarput unnuisarfiillu marluk atorneqaannarallarnissaat pilersaarutaaavoq.
- Inissaqanngitsut amerligaluttuinnartillugit aaqqiissuteqartariaqarsimavugut. Ukioq mannami isseqaaq unnuiffissarsiortullu itigartissinnaanngilagut, Kommuneqarfik Sermersuumi suliffeqarnermut inuussutissarsiornermullu ingerlatsiviup pisortaa oqarpoq.
AAMMA ATUARUK Sermersooq Containerinik angerlarsimaffeqanngitsut inissaannik pisisoq