Nuummi umiarsualivittaassaq aasaru aatsaat naammassineqassaaq

Nuummi umiarsualivittaassaq aasaru aatsaat naammassineqassaaq. Suliffeqarfik sanaaartortoq Per Aarsleff Grønland ApS, Nuummi ukiorluunera pissutigalugu suliani pilersaarutit malillugit naammassisinnaanngilai.

Sikuki Harbour A/S siorna novembarip 15-iani naammassineqareertussaagaluarpoq, sanaartornerulli naammassineqarnissaa maanna aappassaanik kinguartinneqarpoq.

AAMMA ATUARUK Nuummi talittarfissaq qaammatialunnik kinguaattoortoq

Pilersaarutit ukiaq februaarip qaammataanut kinguartinneqarput, aputeqarpallaarnerali isserujussuarneralu pissutigalugit suliaq aasamut aatsaat naammassineqarsinnaavoq.

Sikukimi pisortaq John Rasmussen KNR-imut taama oqarpoq.

- Sanaartortumit  paasinitinneqarpugut qaammat ataaseq qaammatilluunniit marluk isseqanngiffiusut qallersuinissaminnut pisariaqartinneqartut.

Umiarsualiviup juulip qaammataani naammassineqarnissaa naatsorsuutigineqartoq John Rasmussenip aamma ilisimatitsissutigaa.