Nuummi sulorarluni pissartanngorniunnerit sap. ak. naanerani ingerlanneqartut

Nuup illoqarfiani sulorarluni pissartanngorniunnerit sapaatit-akunnerata siuliani, februaarip arfineq-aappaanit ulluni tallimani ingerlanneqarmata, timersoqatigiiffik B-67 Badminton unamminernik 144-nik aaqqissuisuuvoq.

Illoqarfimmi pissartanngorniunnerit sapaammi naggaserneqarput, pissartanngorniunnerillu nuannerluinnartumik eqqaamasaqarfiginissaannut pissutissaqarluartoq tassaavoq nunanut allanut unammisartoq Jens Frederik Nielsen.

Taannami singlemi, Henrik Jensen peqatigalugu doublemi Malu Degnilu mixdoublemi peqatigalugu kuultinnappoq. Jens Frederik Nielsen unammillertiginerpaasami Frederik Elsnerip peqataannginnerani sallersaavoq.  

Milka Brønlund arnani inersimasuni singlemi Malu Degn peqatigalugu doublemi kuultinnappoq.

Nuummi sulorarluni unammiuaarnerit tullissaat marsimi pissaaq, Paamiunit peqataaffigineqartumik nunap immikkoortuani pissartanngorniuttoqassalluni.

Nunatsinni sulorarluni pissartanngorniunnerit Nuummi aamma apriilip qaammataani ingerlanneqartussaapput.

Angusat tassaapput:

* Per La Cour Vahl U-19-imi angutinut singlemi illoqarfimmi pissartanngorpoq, Ernst Mario Dahl sølvinnalluni.

* Ernst Mario Dahl aamma Nukaaraq Knud Seritzlev, U-19-imi doublernermi Per La Cour Vahl aamma Peter Frederik Jensen ajugaaffigalugit kuultinnapput.

* Maluk Christoffersen U-13-imi illoqarfimmi pingasoriaammik pissartanngorpoq. Singlemi ajugaavoq, unammillertiginerpaasaa Aqqaluk Frederiksen ajoqusernini pissutigalugu unittariaqarluni.

* Inuk Lennert sølvinnappoq. Maluk Christoffersen aamma Inuk Lennert doublemi Aqqaluk Frederiksen Oscar Isbosethsenilu ajugaaffigaat. Maluk Christoffersen Emilie Sørensenilu mixdoublemi kuultinnapput, sølvinnattut Scott Meinel Christa Munkilu ajugaaffigalugit, Anni Damgaard taama allappoq.

* Emilie Sørensen aamma illoqarfimmi pingasoriaammik pissartanngorpoq. Taanna U15-imi singlemi Christa Munkilu doublemi peqatigalugu kuultinnapoq, Anna Arleth Julia Jensenilu ajugaaffigalugit.

* Carsten Nitter Sørensen U-15-imi illoqarfimmi marloriaammik pissartanngorpoq. Singlemi pissartanngorniuvinnermi Inutsiaq Mølgaard ajugaaffigaa, Mads Andersenilu doublemi kuultinnaqatigalugu.

* Noah Isbosethsen, nukarlerni U-11-mi pissartanngorpoq. Taanna singlemi kuultinnappoq Daniel Tindalidilu sølvinnalluni.

 

Isummersuutit

Inatsisartuni Nivi Olsen

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!