Nuummi qinersisartut affai Inuit Ataqatigiinnik taaguussipput
Nuummi qinersisinnaasut 69,8 procentiisa taaguussinerat kisinneqaqqissaareersoq, paasinarsivoq Inuit Ataqatigiit 52 procentinit taaguunneqarput, 24,9 procentimik siuariarlutik. Demokraatit 19,8 procentinit taaguunneqarlutik 15,9 procentinik kinguariarput. Síumut 17,8 procentinik taaguunneqarluni 2,9 procentimik kinguariartoq.
Allattoq Oline I. Olsen
Atassut 6 procentinit taaguunneqarluni 6,1 procentinik taaguunnikinnerupput.
Kattusseqatigiit Partiiat 1.2 procentinit taaguunneqarput, 1.1 procentinik kinguariarlutik. Sorlaat Partiiat 1.7 procentinit taaneqarput.
Kattusseqatigiit Partiiat kiisalu Sorlaat Partiiat taaguunneqarnerat annikimmat inatsisartunut ilaasortanngornissaat qularnarpoq, qinersisut 3 procentii pissarsiarinngitsooramikkit.