Nuummi qaartitsinermi kukkuluttortoqaqqittoq

Qaartitsinermi ujarassuit igeriunneqartut containerit Permagreenillu illorsuaataa eqqorsimavaat. Qujanartumilli inunnik ajoqusertoqarsimanngilaq. 

- Containerit Permagreenillu illorsuaa kisimik ajoquserneqarsimapput, Kommuneqarfik Sermersuumi attaveqaqatigiinnermut pisortaq, Lars Damkjær, KNR-imut oqarpoq. 

Kommunip aamma oqaatigaa qaartitsineq, ajarassuit igerisunneqarnerannik kinguneqartoq, politiinit Namminersorlutillu Oqartussanit misissorneqassasoq. 

Sapaatit akunneri marluk iluini ulorianarsinnaasumik kingunilimmik qaartitsisoqarpoq. Tassami naluttarfik Malik aamma ajarassuarnik qaartitsinermi igeriunneqartunit eqqarneqarnikuuvoq, tassani igalaat aserorneqarlutik inuillu marluk minnerusumik ajoquserlutik.

Qanoq ililluni taama pisoqarsinnaasimanera Politiinit Nanninersorlutillu Oqartussanit misissorneqarmat Kommuneqarfik Sermersooq oqaaseqarsinnaanngikkallarpoq. 

Misissuineq aallartereersimasoq Nuummi politiit KNR-imut oqaatigaat. 

- Massakuut attuumassuteqartut takunnittullu apersorneqarnissaat amigaataaginnarpoq, politiini pigaartuuneq, Katrine Sangreen, KNR-imut oqaropoq.