Nuummi pinerluuteqarsimasunut inissiisarfimmit qimaasoq politiinit ujaarineqartoq
Tigummigallarneqartoq Nuummi pinerluuteqarsimasunut inissiisarfimmit ippassaq sapaammi ualikkut nalunaaqutaq pingasut missaanni qimaavoq.
Ujaarineqartoq, 18-inik ukioqarpoq, nalinginnasumik isikkoqarluni, 170-175 cm missaannik angissuseqarpoq, naatsunik taartunik nujaqarluni qernertumillu teqqialeqarluni.
Qasersumik kavaajaqarpoq, qasertunik arpaatinik qarleqarluni saneraasigut titarnilersukkanik kiisalu qernertunik arpaatinik skooqarluni.
Ujaarineqartoq pillugu paasissutissaateqartut Sermersuumi Politiinut saaffiginneqquneqarput. Taakku oqarasuaatikkut 70 14 48-kkut attavigineqarsinnaapput.
Politiit aamma ilisimatitsissutigaat ujaarineqartup toqqorsimatinnissaa imaluunniit pineqartoq pillugu paasissutissanik isertuussineq pillaatigineqarsinnaasoq.