Nuummi niviarsiaraq 17-inik ukiulik politiinit ujaarineqartoq
Bergithe Josefsen politiit nalunaarutigisaattut 17-inik ukiulittut isikkoqarpoq, qernertunik nujaqarluni, 150 aamma 160 centimeterit akornanni angissuseqarluni, nalinginnaasumillu isikkoqarluni.
Qiviusanik oqorsaasikkamik aaqanngitsumik qernertumik kavaajaqarpoq, tujuuloq aappalunngusersortoq, qarliit tungujortut, nasaq kamippaallu qernertut.
Politiit niviarsiaqqap ilagisartagaannut misissuinerat suli kinguneqanngimmat, innuttaasut Bergithe Josefsen pillugu paasissutissaateqartut politiinut saaffiginninnissaat Nuummi Politiit kajumissaarutigaat.
Bergithe Josefsen pillugu paasissutissat Nuummi politiinut ingerlateqqinneqarsinnaapput. Nuummi Politiit oqarasuaataasa normoraat 70 14 48.
Inuk politiinit ujaarineqartoq inisimasuutigigaanni, sumiinneraluunniit ilisimagaanni tamannalu ingerlateqqinngikkaanni pinerluuteqarsimasutut malersorneqaatigisinnaasoq, Nuummi Politiit eqqaasitsissutigaat. Søren Bendtsen, Sermersuup Politiivineersoq, tusagassiuutinut taama allaaserisaqarpoq.
