Nuummi meeqqanut politikki ilusilersorneqassaaq

Nuummi kommunalbestyrelse meeqqanut inuusuttuaqqanullu politikkeqalerusuppoq, novembarillu naajartulernerani isumasioqatigiissitsinissarsuarmut atatillugu kommunalbestyrelsip meeqqanut inuusuttuaqqanullu Nuummi susassaqartut tamaasa kajumissaarai inuuttaasunik ataatsimiititsisaqqullugit, meeqqanut kultureqarnermullu immikkortortaqarfimmi pisortaq William Kriegel oqarpoq. 

- Immikkoortortaqarfipput oqallitsitsinermik aallarniivoq, tamannalu meeqqanut susassaqartut suliniaqatigiiffiit siulersuisui ataatsimiititsisassapput, isumannillu katersissapput. Susassaqartut suliniaqatigiiffiit siulersuisuisa aallartitaat novembarip 25-iani katersortissavagut isumasioqatigiissillugit.

- Isummat assigiinngitsut katersorneqassapput oqallinneqaqqissaarlu. Neriuutigaaralu isumammat amerlasuut katersorneqarsinnaajumaartut, politikerimmi isummersuutiginiassavaat.

- Meeqqat atorfissaqartitaqarput, ilikkagaqartariaqarput pisinnaatitaaffeqarlutillu, taakku qulequtarineqarpata meeqqat ajunnginnerpaamik atugassaqartinneqarnissaat anguneqarsinnaavoq, William Kriegel oqarpoq.

Isumasioqatigiinnermi isumat assigiinngitsut komunalbestyrelsep januaari naalerpat eqqartussavai, aatsaallu taamanikkut Nuummi kommunalbestyrelse qanoq politikkeqassanersoq paasinarsissaaq.