Nuummi maajip aallaqqaataani ingerlaaqatigiittoqassanngilaq
Sulisartut ulluat maajip aallaqqaataa Nunatsinni assigiinngitsutigut malunnartinniarneqassaaq, Sulinermillu
SIK-p siulittaasua Jess G. Berthelsen sulisartut ulluanni oqalugiassaaq, SIK-lu sinnerlugit oqalugiartussat allat kingorna oqalugiassallutik, SIK-p inuusuttai taakkununnga ilaallutik.
Kommuneqarfik Sermersuumit aamma oqalugiartoqassaaq, partiillu oqaaseqartitaat aamma oqalugiassallutik.
Illoqarfinni assigiinngitsuni pisussat SIK-p nittartagaani aamma alakkarterneqarsinnaapput.
Tasiilami Sulinermik Inuussutissarsiuteqartut Peqatigiiffiata aaqqissugaanik pisoqartitsissaaq, pisussatut aaqqissuussat ulloqeqqanut aallartissallutik.
Silami niuffatsitsisoqassaaq, eqquiniaasitsisoqarnissaanullu kuponinik tuniniaasoqassalluni, oqarasuaammik angallattakkamik eqquisoqarsinnaalluni, gasolielu 200 liiteri aamma eqqorneqarsinnaassalluni. Tassa nalunaaqutaq marlunut makitsisoqassaaq, timersortarfimmilu kingorna nalunaaqutaq tallimanut bingortitsisoqassalluni.
Pisussat uani takuneqarsinnaapput
Uummannami assigiinngitsunik aamma pisoqassaaq, sulisartummi ulluat Katersortarfitoqqami nalunaaqutaq ataatsimut aallartittussamik malunnartinneqassalluni, kaffeqarlunilu teeqassaaq, meeqqanullu safteqassalluni.
Marlunut taava arpatsitsisoqassaaq, pisuttuartitsisoqassallunilu, ajaappiartitsisoqassallunilu, peqataasullu tamarmik normunik tunineqassapput, eqquiniaatitsinermi makitsisoqartussaammat.
