Nuummi Tele-Posti tillinniarfigiteriaraluaqqittoq

TELE-POST Centeri Nuummiittoq ippassaq tillinniarfigiteriaraluarpoq. Tillinniariaraluarneq TELE-POST-ip ammanerata nalaani postbokseqarfimmi pivoq.
maajip 18-at 2017 06:06
Nutserisoq Jaaku Lyberth

Taamaattumik postboksinut ammasaarfiit TELE-POST-imit sivikillineqarput.

 -   TELE-POST Centeri Nuummiittoq ajoraluartumik piffissami kingullermi arlaleriarluni tillinniarfigeriarneqarpoq tillinniarfigineqarlunilu, taamaattumik tamanna unitsinniarlugu iliuuseqartariaqarpugut. Tillinniarnerit aamma tillinniariaraluarnerit tamaasa tunngavigalugit maannakkuugallartoq allatut ajornartumik postboksinut ammasarfiit sivikillisariaqarpavut, allakkerinermut pisortaq Per Svendsen oqarpoq

Tillinniarnerit pinaveersimatinniarlugit TELE-POSTi arlalitsigut iliuuseqarluni aallartippoq. Tamatumunnga atatillugu ilaatigut TELE-POST centerimi nakkutilliisoqarneq atorneqalissaaq, TELE-POST tusagassiuutinut nalunaaruteqarluni taama allappoq.

TELE-POST-imi kingullermik annertuumik tillinniartoqarpoq apriilip ulluisa naalerneranni, tillianniat taamanikkut oqarasuaatit angallattakkat smartphonesit aamma qarasaasiatigut atortorissaarutit tillippaat.

Inuit marluk pasineqarlutik politiinit tigusarineqarput.

Ammarsarfiit nutaat:

Ataas. - Tall. - nal. 07.00-19.00
Arf. - nal. 09.00-13.00
Sapaat nalliuttullu - Matoqqassaaq