Nuuk Imeq sinneqartooruteqangaatsiartoq

Nuup Erngata ukiumut nalunaarusiaq ullumi ataasinngornermi saqqummiummagu sinneqartoorutai amerlisimasut takuneqarsinnaavoq.

Nuuk Imeq Ukioq 2016-imi akileraareerluni 30,3 millionit koruuninik sinneqartooruteqarpoq. Sinneqartoorutai 2015-imut sanilliullugit 10,5 millionit koruuninik amerlanerupput. Nuuk Imeq tusagassiuutinut taama allappoq.

Taama sinneqartooruteqartigineranut Nuup Imerup poortuutissanik 2015-imi nalikilliliinerata naammassisimanera kiisalu pigisanik 2016-imi tunisaqarsimanera pissutaapput.

AAMMA ATUARUK Nuuk Imeq A/S-ip matuneqarnissaa innersuussutigineqartoq

193 millionit koruunit 2016-imi kaaviiaartinneqarsimapput. Tamaanna ukiup siulianut sanilliullugu 4,6 procentimik qaffariarneruvoq, tassa 2015-imi kaaviiaartitat 184,5 millionit koruuniusimagamik. 

Imeruersaatit tunisat 6,5 procentinik amerlisimanerat immiaaqqallu tunisat 2,8 procentinik amerlisimanerat 2016-imi kaaviiaartitat amerlisimanerannik aamma kinguneqartoq Nuuk Imeq nalunaaruteqarpoq. 
 
Nuuk Imeq 2016-imi akitsuutitigut akileraarutitigullu  36,7 millionit koruuninik pisortanut akiliuteqarpoq.  

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!