Assi: Arktisk kommando

Nuugaatsiaq Illorsuillu saliiffigineqalersut

Issittumi Sakkutooqarfik, avatangiisinut naalakkersuisoqarfik kommunilu nunaqarfinni marlunni avatangiisinik saliinissaq pillugu pilersaarusiussapput.

Nunaqarfinnut tassaarsuarmit eqqugaasimasunut sulinerup tullia ulluni aggersuni aallartissaaq.

Namminersorlutik Oqartussat Nuugaatsiami Illorsuarnilu tassaarsuaqarnerata kingorna suliassanut pingasunut ikioqqusimapput.

Avatangiisinik nalilersuineq

- Qimagutitinneqarsimasut pigisaannik aallernissaq pingaarnerpaatut suliakkiutigineqarpoq taavalu aamma nunaqarfinni taakkunani imaani mingutsitsinerup passunnissaa suliassaavoq, avatangiisinut naalakkersuisoqarfimmi pisortaq, Mette Skarregård Pedersen, oqarpoq.

AAMMA ATUARUK Illorsuarni pigisat aaneqarput

Kommunip upalungaarsimasuutitai Issittumilu Sakkutooqarfik Nuugaatsiami Illorsuarnilu pigisanik sapaatit akunnerani matumani aallerput.

Pigisallu tunniutereerunikkit avatangiisinik nalilersuissapput saliillutillu.

Kommunip upalungaarsimasuutitai Danmarkimilu upalungaarsimasuutitani immikkut ilisimasalik nunaqarfimmiinnerminni nalilersuipput.

AAMMA ATUARUK Nuugaatsiami pigisat assartorneqartut

- Nunaqarfinni ulluinnarni nakkutigineqarsinnaanngitsut isumannaatsuunissamullu ajoqutaasinnaasunik, soorlu orsussanik, ammoniakimik kallerullu innerata aqqutaanik kittorarsimasunik peqarnersoq taakkunanit misissorneqarput, Mette Skarregård Pedersen, oqarpoq.

Ulorianartoqannginnera qulakkeerneqassasoq

Taava Issittumi Sakkutooqarfik, kommuni avatangiisinullu naalakkersuisoqarfik nunaqarfinni taakkun

ani avatangiisinik mingutsitsisoqannginnissaa sapinngisamik qulakkeerniassavaat.

AAMMA ATUARUK Sakkutuut Nuugaatsiami pigisanik aallertut

Assersuutigalugu silaannarnik toqunartulinnik aniasoqannginnissaa pigisanillu angallannermi ajoqutaasinnaasunik imaaniittoqannginnissaa qulakkeerniassagaat, Mette Skarregård Pedersen oqarpoq:

- Taamaaliorniarpugut nunaqarfiit ullut tamaasa alakkarneqartariaqannginniassammata ulorianartoqannginneralu qulakkeerusullutigu.

Avatangiisinik assigisaannillu saliisoqareeraluartoq, qaqqap sisooqqissinnaanera tassaarsuaqaqqissinnaaneralu suli sillimaffigineqartariaqartoq, avatangiisinut naalakkersuisoqarfik erseqqissaavoq.

AAMMA ATUARUK Immikkut paasisimasallit illut tassaarsuarmit eqqugaasut qularnaassagaat

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!