Kim Kielsen: Nuugaatsiaq Illorsuillu ammarnianngilagut
Tusagassiortunik katersuutsitsigasuarnermi tallimanngornermi Kim Kielsen oqarpoq Naalakkersuisut aalajangersimasut Nuugaatsiaq Illorsuillu massakkuugallartoq ammaqqinniarnagit.
- Upalungaarsimanermut ataatsimiititaliap nalilersimavaa nunaqarfiit qarsutsiffigineqarsinnaanerat annertuallaartoq Kim Kielsen oqarpoq.
AAMMA ATUARUK TV: Kielsenip tusagassiortunik katersuutsitsinera takuuk
Innuttaasunut nussorneqarsimasunut tunngatillugu inuunerisa sapinngisamik nalinginnaasuunissaa suliniutaavoq, tassami pissutsit sivisuumik allannguuteqassagunanngimmata.
Naalakkersuisunit, atorfilittanit Qaasuitsullu Kommunianit aallartitat ataasinngorpat Uummannamut tikissapput innuttaasut nussorneqarsimasut sullinneqarnerat nangikkiartorlugu.
AAMMA ATUARUK Savalimmiuni kommuni Qaasuitsup Kommunianut 200.000 koruunik tunissuteqartoq
Kim Kielsen naapertorlugu kalerrisaarusiisoqarsinnaanera misissorneqarsimavoq, innuttaasulli piffissaagallartillugu kalerrinneqarnissaannut aaqqiissutaasinnaasumik nassaartoqarsimanngilaq.
- Qaqqap innaanik sisoortoqaqqissagaluarpat tassaarsuup minutsit tallimat ingerlanerinnaanni nunaqarfiit angusinnaagai, taamaattumillu innuttaasut angerlartinnissaat toqqissisimananngitsoq Kim Kielsen oqarpoq.
AAMMA ATUARUK Jeg siger tak til Grønland og befolkningen
AAMMA ATUARUK Ukkusissani qaqqami nakkaasoqartoq
AAMMA ATUARUK Qaqqap innaarsuata qaartinnissaa ulorianartoq
