Nutaamik tapeeriaaseqalerusupput

Meerarpassuit utoqqarpassuillu kommunerujussuanngortut arlaannut nutsissagaluarpata kommunimut tapiissutaasartut amerlineqassapput taamaalippallu kommunip karsia imaqarnerulissaaq.
Allattoq Elisa Isaksen
marsip 27-at 2008 06:29

Taama pisoqassaaq Kommunit Kattuffiata Naalakkersuisullu siunissami tapeeriaatsimut siunnersuutaat piviusunngussagaluarpat. Pineqartut siunnersuutigaat siunissami tapeeriaaseqarnermi meeqqat utoqqaallu amerlassusaat tunngavigineqartalissasut.

Kommunerujussuanngortunut tapiissuteqartarnermi utoqqaat 64-ileereersimasut qassiuneri kiisalu qassit 18-t inorlugit ukioqarnersut aallaavigineqartalerusuppoq.

Aappaatut, kommunerujussuanngortumi sulisinnaasut tassa pilersuisinnaasut qassiunerat tunngavigineqartalerusuppoq.

Siunnersuut piviusunngussappat kommunerujussuit amerlavallaanik 18-t 64-illu akornanni ukiulinnik innuttaqartut aningaasatigut inissisimanerat ajornerulissaaq, kommunimut tapiissutaasartoq appartussaassammat, tassa takorloorneqarmat taamatut ukiullit suliffeqassasut tamaalillutillu akileraartarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq