Assi: Nils Baum/Bureau for Inatsisartut

Nutaamik naalakkersuisortaarnissaq kinguartinneqartoq

Inatsisartut sulinertik ullumi nangeqqippaat, upernaakkullu ataatsimiinerat nalunaaqutaq aqqanermut aallartippoq. Nutaamilli naalakkersuisortaarnissaq pillugu oqaluuserisassaq ataasinngorpamut kinguartinneqarpoq.

Inatsisartut ataatsmiinneranni oqaluuserissassat siulliit ilagaat, Naalakkersuisunut ilaasortat akuerineqarnissaat.

Politikeri Siumumeersoq Erik Jensen Naalakkersuisunut ilaasortanngussagunavissoq KNR-imi siusinnerusukkut oqaluttuaraarput. Taassuma Naalakkersuisunut ilaasortaasimasoq Martha Lund Olsen, Kommuneqarfik Sermersuumi  kommunalbestyrelsemut qinigassanngortinnini pisutigalugu tunuartitaasoq, taarsissagaa oqaluttuaraarput.

Aamma Qeqqtaa Kommuniani kommunalbestyrelsip sapaatit akunnerata tulliani atatsimiinnisaanut oqaluuserisassat allattorsimaffiani tamanut saqqummiunneqartumi takuneqarsinnaavoq Erik Jensen kommunalbestyrelsemi sulinngiffeqarnisamik qinnuteqarsimasoq. 

KNR-mi suleqatitta, Jaaku Lybertip, Inatssiartut ataatsimiilernerat malinnaaffigaa. Taannalu ima ilisimatitsivoq: 

- Erik Jensen naalakkersuisutut toqqarneqanngilaq, tamatumunnga pissutaavoq naalakkersuisunngortitsinissamut oqaluuserisassaq ataasinngorpamut nuunneqarmat.

- Oqaluuserisassap kinguartinneqarneranut suna tunngavigineqartoq inatsisartut siulitaasuannit nassuiarneqanngilaq, tusatsikkalli naapertorlugit inatsisartuni ilaasortat aamma naalakkersuisunut ilaasortat allanngornissaat pissutaatinneqarpoq.
Inatsisartut ataatsimiinnerat aammarneqarmat, Erik Jensen ataatsimiittarfimmi najuuppoq, taassumalu naalakkersuisnngortinneqassanerluni oqaaseqarfigiumanngilaaq aamma naalakkersuisoqarfik sorleq akisussaaffigilissanerlugu.
Naatsorsuutigisinnaassavarput Erik Jensen naalakkersuisunut ilaasortanngorumaartoq.

Erik Jensen Qeqqata kommunalbestyrelseani sulinngiffeqarnissaminut qinnuteqarpoq, Naalakkersuisuni iaasortanngornissaa pissutigalugu.
Naalakersuisut siulittaasuat Kim Kielsen tusagassiortunik katersortisiniarpoq nalunaaqutaq marlunut. KNR-miillu tusatsiakkat naapertorlugit Erik Jensen naalakkersuisunut ilaasortanngornissaa saqqumiunneqassaaq.

Erik Jensen naatsumik ilisaritinnera: 

Erik Jensen Qeqqata Kommuniani kommunalbestyrelsimi manna tikillugu Siumup gruppiani siulittaasuulluni ilaasortaavoq. 2015-imi folketingimut qinigassanngortikkami Siumumit sassartuni qinerneqarnerpaat pangajoraat, Aleqa Hommond Jens Erik Kirkegaardilu qinerneqarnerullutik. 

Erik Jensen Inatsisartuni Naalakkersuisuniluunniit ilaasortaanikuunngilaq. Taamaammat Kim Kielsenip Naalakkersuisuni ilaasortassatut toqqagaa nutaajuvoq. 

Erik Jensen, 41-nik ikiulik, ukiorpassuarni INI A/S-imi nakkutilliisutut atorfeqarpoq, kingornalu suliffeqarfimmi tassani attaveqaqatigiinnermik suliaqartuulluni. Nuliaqarpoq pingasunillu paneqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!