Nunavummi inuusuttut silami eqqumiitsuliortut

Canadami eqqumiitsuliornermut peqatigiiffik nutaaq, Embassy of Imagination - takorluuisinnaassutsip ambassadia - silami iikkamut nivinngarneqarsinnaasunik qalipaanissamut inuusuttuaqqat qaaqqusipput

Allattoq Marianne Stenbæk, Montreal, Canada

aggustip 20-at 2016 16:48

Nutserisoq Bibi Nathansen

Angutit pingasut Nunavummeersut Montrealimi illup isuanut qaalipaajartornissaminnut qaaqquneqarput.

Inuusuttuaqqat, 15-inik ukiullit, kiassuaqarnerata nalaani sapaatip akunnera Montralimiipput. Kiagutsillutik sikunik qalipaapput.

Iluliami puttasumi igloomik aakkiartortumik, puisinillu aavip iluani naluttunik nukappissat illup isuanut qalipaapput.

Aamma atuaruk Canada: Imminut toqunnermut pinaveersaartitsinissamut periusissiaq nutaaq

Silap kiatsikkiartorneranik qalipakkat eqqaasitsisut Saaki Nuna, aviisimut The Gazettemut oqarpoq.

Qalipaasarneq iluatsilluarpoq, inuppassuarnillu alakkarterneqarsimalluni.

Aappassaa naggueqatigiit Inunnit silami eqqumiitsuliortoqarnissamut qaaqqusaapput.

Canadap illoqarfiisa pingaarnersaami, Ottawami, illoqarfik aappaagu 150-inngortorsiornera nalliutsinneqalerpat nukappissat suliamut angisuumut peqataassapput.

Aamma atuaruk Raajartassiissutit naggueqatigiit inuit ikiussagai

Aamma atuaruk Nunat siuttui Inuit suleqatiserigaat