Nunavummi imminut toquttarneq ministeriup pinaveersaartinniassavaa

Nunavummi siuttuusup Peter Taptunap, imminut toquttarneq pillugu ajornartorsiorneq annertooq maluginiaqquaa.

Nunavummi imminut toquttarneq pillugu piffissaq kingulleq assut oqaluuserineqarpoq.
 
Siusinnerusukkut Canadami inatsisartuni ilaasortaasup Jack Anawakip, qineqqusaarnermi inuit siuttui tamarmik qaqqat qaaviniit nipituumik nilliasariaqartut kaammattorpai: Tassa Naammalerpoq, imminut toquttarneq unitsittariaqarpoq! Nunavummi qanittukkut tusarniarniaanermi aamma tamanna apuunneqarpoq.

Imminut toquttarneq inuusuttut angutit nukappiaqqat akornanni assut atugaavoq, pingaartumik Nunavummi. Inuusuttut amerlavallaat inuunnermi pingaarutillit annaaneqartarput.

Ikioqquneq maanna tusarneqarpoq.
 
Nunavummi siuttuusup Peter Taptunap, Nunavimmiunut tamanut attuumassutilinnut pisortatigoortumik ajornartorsiutitut suaarutigaa.

Taamaammat Nunavummi peqqinnissamut ministeri Paul Okalik, Imminut toquttarneq pillugu ministerinngortippaa. Paul Okaliup kaammattuutinik aallartisaanissamik suliniutinik  assigiinngitsuneersunik suliassarissavai.

Suliniummut aallarniutigalugu 50 millionit koruunit "nappaammut tunillaassuuttumut" atorneqassasut siunniunneqarpoq.

Nunatsiaq News, CBC TV Newsimiillu taama nalunaaruteqartoqarpoq.