Montreal, CanadaAssi: Pedro Szekely/Flickr Creative Commons

Nunavimmiut inuusuttaannut Montrealimi ilisimatusarfeqalissasoq

Nunavummiut inuusuttortaat Ottawami namminneerlutik collegeqalernissartik kissaatigiuarsimavaat. Tassani universetitimitulli ukiuni siullerni marlunni sivisutigisumi ilinniareerlutik soraarummeerlutik diplominnassinnaalissagamik.

Nunavummili ilinniarfissat Nunavimmiunit ilinniarfigissallugit ornigineqarpallaanngilaq, Nunavimmi namminneerlutik nunagisaminni ilinniagaqarusunnerugamik.

Nunavimmi kattuffiit sisamat, taakkunani Makivik aamma Avataq Kultur Institut Montrealimi collegeliornissamut assingusumik suleqatigiissuteqarniarput.

Collegessaq Nunavik Sivunitsavut-mmik tassa Nunaviup siunissaanik taaguuteqartinneqassasoq, Makivik Magazinemi aaqqissuisoq, Teevi Mackay KNR-mut oqarpoq, tamannalu pilersinneqarpat ilinnialersussat Inuit oqaluttuassartaat pillugit aammalu oqaatsit, politikki naalakkersuisoqarnikkullu kulturiminnut attuumassuteqartunik pikkorissartinneqarlutik ilinniartinneqarsinnaalissapput.

Nunavimmiut kinaassusaasa ataatsimoortumillu oqaluttuarisaanerisa anguniarneqarnissaat matumani siunertaavoq.

Taamatuttaaq Montrealimi nutaamik collegeqalerpat, ilinniartut illoqarfissuarmi milliuunilikkaani innuttaqartumi inuuneq inuuniarnerlu pillugit ilinniartinneqartalissapput.

Ilinniartullu siunissami suliffeqalersinnaanissaannut ikiorserniarlugit naammassisaqarsinnaassutsimikkut sungiusartinneqartalissapput.

Tassa tunngaviusumik Inuit kulturiat pillugu ilinniartinneqatalissapput.

Nunavimmi Nunavik Sivunitsavut-mi inuusuttunut ilinniarfissaq septembarimi ammarneqassamaarpoq.

 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!